Geurawi dari Atha’ bahwa droëneuh njan neukheuën bahwa Abu Muslim al-Khaulani meunjö geuwoë u rumôh dari meusdjid, droëneuh njan neuteukeubi (takbir) di keuë rumôh, lheuëh njan sambinoë geuh pih geuteukeubi. Menjö droëneuh njan na dileuën rumôh neuteukeubi sjit, binoë droëneuh njan pih geu djaweuëb teukeubi njan.

Bak saboh malam droëneuh njan neujak musafir, watèë trôk u rumôh neu teukeuebi, tapi hana meu sidroë pih njang djaweuëb. Biasa djih watèë geutamöng u dalam rumôh, binoë geuh geutjok ladju seureuban dan silop, ‘an lheuëh njan ladju geu hidang makanan keu gobnjan.
Read the rest of this entry »

Advertisements

Na saboh hadih, njang sinan Rasulullah neusabda : “Neupeuhaleuë (ngui) sutra dan meuëh keu ureuëng inöng dari umat lôn dan Neupeuhareuëm bagi ureuëng agam.” (HR. Ahmad).

image

Islam tham ureuëng agam ngui meuëh. Pakön? Rupa djih, seulaén na hikmah ekonomi dan sosial lagèë geupeutrang lé Sjèikh Dr. Yusuf Qaradhawi lam kitab neuh “Halal dan Haram Dalam Islam”, na sjit hikmah medis (sihat) pakön sampoë neu peuhareuëm bagi ureuëng agam ngui meuëh. Read the rest of this entry »

Siplôh njang rajek tanda kiamat, Nabi Muhammad na neu meusabda,
Oh katrôh watèë katoë kiamat, Geubri alamat siplôh boh tanda.

Tanda njang keu phôn Nabi hareutoë, Rata djeuët nanggroë kajém that geumpa,
Tanda keu dua meunan tjit bagoë, rata djeuët nanggroë dji-ék ië raja

Tanda yg keu lhèë wahai dum kawôm, Keudè dum tutông dusôn deungön kuta,
Rata djeuët nanggroë tadeungö tutông, Kuta ngön gampông bandum seureuta. Read the rest of this entry »

Tjara Shalat Istikharah

Posted: November 25, 2015 in Uncategorized

Istikharah meumakna meulakèë akan hai njang djroh. Dan Shalat istikharah nakeuh shalat njang geupubuët untôk meulakèë peutunjòk dari Allah kiban kri hai njang haruih geupeulaku watèë ragu atawa bimbang geuneuk pubuët saboh-saboh peukara.

Dasar hukôm Shalat Istikharah njan nakeuh hadits Nabi njang neurawi lé Imam Bukhari :

كان رسول الله – صلى الله عليه وسلم – يعلمنا الاستخارة في الأمور كلها كما يعلمنا السورة من القرآن يقول إذا هم أحدكم بالأمر فليركع ركعتين من غير الفريضة، ثم ليقل اللهم إني أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر وتعلم ولا أعلم وأنت علام الغيوب اللهم إن كنت تعلم أن هذا الأمر خير لي في ديني ومعاشي وعاقبة أمري، أو قال عاجل أمري وآجله فاقدره لي ويسره لي، ثم بارك لي فيه، اللهم وإن كنت تعلم أن هذا الأمر شر لي في ديني ومعاشي وعاقبة أمري، أو قال عاجل أمري وآجله فاصرفه عني واصرفني عنه واقدر لي الخير حيث كان، ثم أرضني به وفي رواية، ثم رضني به ويسمي حاجته

Makna djih : “Bermula nakeuh Rasulullah SAW neupeureunoë kamoë akan shalat istikharah bak man bandum peukara lagèë neupeureunoë kamoë saboh surah al-Quran. Rasulullah neukheun : “Meunjö di gata taneuk pubuët saboh-saboh urusan, maka tapubuët lé gata shalat dua rakaat di luwa shalat fardhu, teuma beutameudo’a lé gata… (geubatja do’a Istikharah).” (HR. Bukhari dan Muslim) Read the rest of this entry »

Seudjarah Peu-ingat meulöd Nabi

Lam tulésan njoe seudjarah peu-ingat Meulöd Nabi meubida dari seudjarah njang kamoe seubôt tulésan njang ka u likôt. Seudjarah lam tulésan njoe nakeuh versi keu lhèë njang kamoe teumeu.

Meunurôt njang karang tulésan njoe geupeugah bahwa peu-ingat meulöd Nabi phôn geupubuët lé radja Irbil (wilajah Irak djinoe), njang nan geuh Muzhaffaruddin al-Kaukabri, bak awai abad keu 7 hidjrijah. Ibnu Katsir dalam kitab Tarikh neukheun : “Radja Muzhaffar neupeugöt peu-ingat meulöd Nabi bak buleuën Rabi’ul Awwal. Radja neupeugöt atjara peu-ingat meulöd tjukôp meugah. Radja njan nakeuh sidroe ureung njang beuhö, pahlawan, alim dan sidroe njang adé – mudah-mudahan Allah neurahmati droeneuh njan.”

Neupeutrang lé Sibth (tjutjo) Ibn al-Djauzi bahwa dalam peuringatan njan radja al-Muzhaffar geu undang mandum rakjat geuh dan mandum ulama dari meubagoe disiplin ileumèë, ulama hadits, ulama fiqh, ulama kalam, ulama ushul, ahli tashawuf dan laén nibak njan. Dari lhèë uroe seugolom uroe geupubuët meulöd njan, gobnjan ka neupeusiap meubagoe-bagoe hai. Meu ribèë kaméng dan unta ka geusië untôk geuhidang keu djamèë teuka lam uroe peurajek meulöd njan.

Mandum ulama sa’ah njan neupeubetoi dan neuseureuta akan peuë  njang ka neupubuët lé radja al-Muzhaffar njan. Ureung njan neu apresiasi dan neu anggap djroh peurajek uroë  meulöd Nabi njang phôn geupeugöt njan. Ibn Khallikan dalam kitab Wafajat al-A’jan neukisah bahwa al-Imam al-Hafizh Ibn Dihjah teuka dari Marôkô geuneuk djak u Sjam dan lheuëh njan geudjak u Irak, watèë neulèwat di daerah Irbil bak thôn 604 H, droeneuh njan neuteumeu radja al-Muzhaffar, radja Irbil njan tjukôp rajek paduli droeneuh njan keu peurajek Meulöd Nabi. Kareuna hai njan, al-Hafizh Ibn Dihjah lheuëh njan neutuléh saboh buku hai Meulöd Nabi njang neubôh djudul “at-Tanwir Fi Maulid al-Basjir an-Nadzir”. Karja njan teuma geuhadian keu radja al-Muzhaffar. Read the rest of this entry »

images

Ilustrasi Hubôngan Samlakoë Dan Sambinoë

Sjit ka meuteuntèë tiëp ureung han mungkén geutjeugah dan geutham droë geuh untôk meuhajal, dari peuë atawa kiban geumeuhajal njan, kareuna njan nakeuh saboh hai njang hana bataih njang dihijaih bak pikiran sidroë-droë ureuëng. Kadang hajalan djeuët keu washilah bagi sidroë ureuëng untôk leubèh meuseumangat dalam geu djak lét peu njang geu hajal, dan hana djareuëng sjit hajalan njan djeuët keu hiasan pikiran sadja njang hana meuwudjud.

Meunan hai sjit dalam meudjima’, hana djareuëng hajalan pereulèë sjit keu ureuëng-ureuëng njang meuteuntèë untôk tamah gairah ni’mat sa’ah meuhubungan badan dan peu puëh (puas) pasangan, njang seuréng diseubôt deungöng istilah fantasi seks.

Na lhèë matjam fantasi njang seuréng meuhijaih pikiran ureuëng-ureuëng njang teungöh meutjinta deungön pasangan : Read the rest of this entry »

Biografi Abdurrauf As-Singkili

Syekh Abdurrauf As Singkili_thumb

Sjèikh ‘Abdur-Rauf as-Singkili (Sjiah Kuala)

Sjèkh Abdurrauf Singkil (Singkil, Atjèh 1024 H/1615 M – Kuala Atjèh, Atjèh 1105 H/1693 M) nakeuh sidroe ulama sjiek Atjèh njang that meutjeuhu. Droneuh njan ék neuba peungarôh rajek dalam penjebaran agama Islam di Sumatra dan Nusantara. Laqab droeneuh njan leubèh dithèë deungön nan Teungku Sjiah Kuala (Sjèkh Ulama di Kuala). Nan peunôh droneuh njan nakeuh Aminuddin Abdul Rauf bin Ali Al-Djawi Tsumal Fansuri As-Singkili. [i][2]

Meunurôt rawi masjarakat, keuluarga Sjiah Kuala meu-asai dari Parsi atawa Arabia, njang teuka dan tinggai di Singki, Atjèh, nibak akhé abad keu-13. Bak masa muda geuh, droeneuh njan neubeuët bak ajah geuh. ‘An lheuh njan neubeuët u bak ulama-ulama di Fansur dan Bandar Atjèh. Watèë neudjak ék hadji, lam peurdjalanan droeneuh njan neubeuët u bak meubagoe ulama di Nanggroe Arab untôk geupeubakö ileumèë agama.

Meunurôt Sjèd Muhammad Naquib al-Attas, Sjeikh njang neu mumat dan njang seubar phôn Tariqat Sjattarijah di Nusantara njoe na salah sidroe gurèë neuh njang nan geuh Ahmad al-Qusjasji. Nan Abdurrauf deuh dalam silsilah tariqat dan droeneuh njan djeuët keu ureung njang phôn njang peuturi Sjattarijah di Indonèsia. Nan droeneuh njan pih dipeuhubông deungön teurdjeumah dan tafsir Al-Quran bahasa Meulaju keunarang al-Baidhawi deungön djudul Anwar at-Tanzil wa Asrar at-Ta’wil, njang phôn dipeutubiët di Istanbul thôn 1884 M.

Sjiah Kuala neuwoe u bak Allah bak thôn 1693, deungön umu 73 thôn. Droeneuh njan dikubu di sampéng Meuseudjid njang neupeudöng keudroe geuh di Kuala Atjèh, gampông Dejah Raja, Keutjamatan Kuala, kira-kira 15 KM dari Bandar Atjèh. Read the rest of this entry »

Hadiah Fatihah

Posted: January 29, 2014 in Fiqh
Tags: , , , ,
surah20al-fatihah

Surah Al-Fatihah

Diantara tradisi geutanjoe umat Islam nakeuh ta batja surat al-Fatihah dan ta hadiah pahala djih keu Rasulullah Shallahu ‘alaihi wasallah. Lé Ulama neupeugah bahwa hukôm buët njan nakeuh mubah (djeuët).

Ibnu ‘Aqil, salah sidroe tokoh njang rajek lam mazhab Hanbali neukheun : “Geusunnah untôk ta hadiah batja Al-Quran keu Nabi SAW.”

Ibnu ‘Abidin neukheun : “Watèë Ulama geutanjoe neukheun jeuët bagi si droe-droe ureung untôk neuhadiah pahala amai geuh keu ureung laén, maka teumasôk di dalam djih hadiah keu Rasulullah SAW, kareuna Rasulullah leubéh na hak untôk meureumpok hai njan dari pada ureung laén. Droeneuh njang ka neupeuseulamat geutanjoe dari seusat. Meumakna hadiah njan ditamöng dalam saboh beuntuk teurimöng geunaséh geutanjoe keu gobnjan dan balah budi djroh keu droeneuh njan.” Read the rest of this entry »

Hukôm Khanduri Meulöd

Posted: January 26, 2014 in Article
Tags: , , , ,
0859599-kenduri-di-aceh-620X310

Suasana Bak Khanduri Meulöd

Kadjeuët keu saboh ‘adat njang ka meu ukheuë nibak geutanjoe ureung Atjèh, tiep trôh buleuën Rabi’ul Awwal atawa njang meutjeuhu deungön buleuën Meulöd, untôk ta peurajek uroe lahé Nabi Muhammad SAW. Peukeuëh dengön batja seulaweuët, da’wah atawa khanduri. Buët njang tjukôp that djroh meunjö ta tilék dari sji’ar Islam. Tapi sajang that, ramè diantara njang pubuët njan hana meuphôm hukôm dari buët njang ka geupubuët njan, hingga isè makna djih dari meukeusud awai Meulöd njan geupeugöt.

Seudjarah Phôn Geupeubuët Mulöd

Na dua boh riwajat hai seudjarah phôn mula na atjara peuingat Meulöd. Njang phôn geupeugah mulöd njan geupubuët phôn lé Daulah Fathimijah di Libja. Dan njang keudua geupeugah geupubuët lé Shalahuddin Al-Ajjubi. Mandua peundapat njan peugah droe geuh njang beutoi. Untôk leubèh djuelaih, sji ta kalön saboh-saboh. Read the rest of this entry »

 

تيسير الخلاق

Taisirul Khalaqi (Tjahaja Akhlaq)

فى علم الأخلاق

Lam Ileumèë Akhlaq

حافظ حسن المسعودي

Hafizh Hasan Al-Mas’udy

Genre Kitab: Tasawuf Madzhab Sjafi’i

MUQADDIMAH

Mandum pudjoe meuwoe keu Allah njang that Mulia lom that Leumbôt. Dan rahmat dan seudjahtra u ateuh pang ulèë  geutanyoe Nabi Muhammad SAW njang neu utôs untôk peusampurna akhlaq mulia, dan lom rahmat seudjahtra keu ban mandum keuluarga dan shahbat droeneuh njan seulama ditrön kalam lam tapeuringkas dan ta peutrang lam ôn-ôn keureutah.

Amma ba’du, njoe nakeuh ringkasan bak ileumèë  Akhlaq Dinijah njang peungarang peugét untôk murid thôn phôn Al-Azhar dan pengarang bôh nan TAISIRUL KHALAQ FIL ‘ILMI AKHLAQ, dan lon utjap : “Dan deungön Allah njang peulara dan deungön kuasa Neuh neupeusampôrna nikmat”.
Ileumèë  Akhlaq nakeuh ‘ibarah dari kaedah2 (aturan-aturan) untôk ta peudjroh hatè  dan mandum anggéëta. Dan maudhu’ kitab njoe neupeutrang hai budi pekerti dari segi meuhias deungön kebaikan-kebaikan dan peu gadöh njang brôk-brôk. Meukeusud dari kitab njoe : djroh hatè dan mandum pantja indra di donja dan Keumeunangan deungön martabat njang manjang di Akhirat.

Pengarang Read the rest of this entry »